فقرة الطبخ مع امنيه:الملوخيه

السلام عليكم

اهلا بنات

اليوم عملتلكو طبق الملوخيه

♣المقادير:ـ

ملوخية
كزبرة خضرا
توم
سمنة
ملح
كزبرة ناشفة  

♣التحضير:ـ

-هتجيبي الملوخيه اللي عودها قصير بتكون معسله وورقها اخضر
بلاش اللي عرقها طويل وبها ورق اصفر او مخرم دي مش بلدي
2-هتقرطفيها وتملي حله ميه تغمري فيها الورق وتنشليه بايدك
وتفرديها تحت المروحه او فالهوا لحد ماتنزل ميتها علصنيه كبيره او كيس بلاستيك عريض
3-هتفرميها فالكبه او تخرطيها 
هاتي كيس وحطي فيه ورق الملوخيه وبالمخرطه انزلي عليها حتتك بتتك
متخفيش لا الكيس هيتقطع ولا الطربيزه تتوسخ ولا المخرطه كمان
4- افرمي معاها كام عرق كسبره خضرا هيديها طعم راائع وعن تجربه
-الشوربه بتكون اما فراخ او لحمه وتفضل لحمه بتديها طعم اغني

♣الطبخ:ـ

فالميه ملح وفلفل اسمر وبصله صغننه لو فراخ هتزودي ورق لورا وحبهان
تغلي الميه تضيفي الفرخه او اللحمه وخلي الملح والفلفل فالاخر
لان الملح بياخر سوا اللحمه
  هتحطي بحله غويطه حبه شوربه سخنه صغيره وتضيفي الملوخيه ولو حسيتي انها تقيله زودي حبه شوربه تاني وطبعا هتضيفي
(معلقه توم مدقوق فالشوربه ني)
ودا بيديها نكهه حلوه اوي نيجي بقي  
  ثوم مدقوق مع ملح وكسبره خضرا ناشفه  

فمعلقه سمن بلدي 

~~~~~~

ايه رأيكو

اظن ان دي طبخه مشهورة اوي^_^

تحياتي

nana6Sweet